Ֆրանսիայի հարավում կործանված օդանավի ավիաաղետի հետաքննության աղբյուրները «նշանակալի բացահայտում» են արել երկրորդ օդաչու Անդրեաս Լուբիցի տանը։ Այս մասին փոխանցում է The Mirror-ը։
Իրավապահներն ընդգծում են, որ իրենց հայտնաբերած առարկան մահվանից առաջ արված գրություն չէ, սակայն հրաժարվել են այլ մեկնաբանություններից։
Լուբիցի բնակության վայր հանդիսացող Դյուսելդորֆի ոստիկանության ներկայացուցչի խոսքով՝ հայտնաբերված առարկան կարող է «ապացույց» լինել։
Քննության վարկածով՝ Լուբիցը փակվել է խցում և ուղղել ինքնաթիռը դեպի լեռան լանջը։ Հայտնվել են մի շարք վկայություններ, որ ավելի վաղ երկրորդ օդաչուն ընկճախտի մեջ է եղել։