Մեր ժամանակների նորաձևության ամենահայտնի լուսանկարիչներից մեկը՝ Մարիո Տեստինոն, ստեղծել է Towel Series նախագիծ, որի համար նա նկարում է իր հայտնի ընկերներին լոգանքի սպիտակ սրբիչներով ու լուսանկարները հրապարակում սոցցանցերում: Այս մասին գրում է Elle-ը։
«Ես ֆոտոսեսիա էի անում Քեյթ Մոսի հետ ու նկարահանումների ընթացքում տեսա նրան լոգանքից հետո խալաթով, սրբիչը գլխին: Ես որոշեցի այդ նկարը դնել Instagram-ում: Այդպես էլ ամեն ինչ սկսվեց»,- պատմում է լուսանկարիչը:
«Towel Series-ը փակ ակումբ է: Ես շատ բծախնդրորեն եմ ընտրում, թե ում լուսանկարեմ, և առաջնորդվում եմ միայն սեփական կարծիքով»,- ասել է լուսանկարիչը:
Նախագծի համար լուսանկարվել են Կիրա Նայթլին, Իրինա Շեյքը, Մայլի Սայրուսը, Նաոմի Քեմփբելը, Քենդալ Ջեններն ու շատ ուրիշներ:
Նրա նոր մասնակիցներն են դարձել Ջասթին Բիբերը, Ջիջի Հաջիդը իր սիրելիի՝ Կոդի Սիմփսոնի հետ, և նորաթուխ կինոաստղ Էնսել Էլգորտը:
