Բեթ Քովան անունով բրիտանուհին, ով դեռ մեկ տարի առաջ 40կգ էր կշռում, կարողացել է հաղթահարել անորեքսիան և պլանավորում է մասնակցել Miss British Empire 2015 գեղեցկության մրցույթին, հաղորդում է The Mirror-ը:
Բեթն անորեքսիայով հիվանդացել է 16 տարեկան հասակում: Անինքնավստահ աղջիկն օրական միայն մեկ կանաչ խնձոր է կերել, ինչի արդյունքում նրա քաշը 40կգ է հասել: Ծնողները մասնագետի են դիմել:
Բեթի մոտ անորեքսիա են ախտորոշել: Ծնողները սկսել են խստորեն հետևել դստեր սննդակարգին և նա աստիճանաբար քաշ է հավաքել, սակայն ընկալման հետ կապված խնդիրները չեն անհետացել: Ամեն անգամ ուտելուց հետո Բեթի մոտ փսխում է առաջացրել, և կերածը ստամոքսից դատարկել, ինչի պատճառով նրա մոտ բուլիմիա է սկսվել:
Ծնողները պնդել են, որ Բեթը կբուժվի հոգեթերապևտի մոտ: Աղջկան հաջողվել է ուղղել և փոխել սեփական կենսակերպը: Ավելին, նա իր կյանքի պատմությամբ կիսվել է լրագրողների հետ և հայտարարել, որ պատրաստվում է մասնակցել Miss British Empire 2015 գեղեցկության մրցույթին:
