Exiii սթարթափը ներկայացրել է ձեռքի սմարթ-պրոթեզի յուրահատուկ նախագիծ, որը կարող է զգալիորեն հեշտացնել հաշմանդամների կյանքը: Սարքի մասերի մեծ մասը տպվում է 3D-տպիչով, գաջետը շարժման մեջ է դրվում մտքի ուժով, հայտնում է hitech.vesti.ru-ն:
Handiii պրոթեզը կարողանում է էլեկտրոմիոգրաֆի օգնությամբ կարդալ մարդու նյարդային ազդանշանները և դրանք շարժման վերածել: Այդպիսով, պրոթեզի տերը մտքի ուժով կարող է տեղափոխել իր արհեստական ձեռքը, բռունցքը սեղմել, ամեն մատն առանձին շարժել: Տվյալների մշակումը երևում է միացված սմարթֆոնի պրոցեսորին:
Պրոթեզը մոդուլային է՝ օգտվողը կարող է արագորեն «մատները» փոխել՝ կախված իր անելիքից: Օրինակ՝ կա ռետինե ստիլուսով մոդուլ սենսորային դիսփլեյների կառավարման համար, կան ձեռքն աշխատանքային գործիքների վերածող կցորդներ:
Ճապոնացիները խոստանում են, որ պրոթեզը «բաց աղբյուրով» կլինի, այդպիսով այլ ընկերություններ կկարողանան դրա համար սեփական մոդուլներ մշակել: 3D-տպագրության տեխնոլոգիան հնարավորություն է տալիս սարքերը շատ ճշգրիտ հարմարեցնել օգտվողին անհրաժեշտ չափով, դիզայնով, գույնով և այլ պարամետրերով:
Բայց նոր գաջետի գլխավոր առանձնահատկությունը ոչ շատ մեծ գինն է: Պրոթեզների ընթացիկ մոդելների արժեքը հասնում է տասնյակ հազարավոր դոլարի, սակայն handiii-ն առաջարկվում է ընդամենը 300 դոլարով: