Իրանի և Ռուսաստանի համագործակցությունը տարածաշրջանային հակամարտությունների լուծման միակ ճանապարհն է, և երկու կողմերն էլ մեծ հնարավորություններ են ունեն Հարավային Կովկասում իրավիճակի կարգավորման համար: Այս մասին, ինչպես հաղորդում է RIA Novosti-ն, հայտարարել է Իրանի նախկին արտգործնախարար, արտաքին կապերի ռազմավարական խորհրդի ներկա տնօրեն Քամալ Խարազին:
«Իրանը և Ռուսաստանը հարևաններ են: Եվ Իրանն ու Ռուսաստանը մի շարք շրջաններում, այդ թվում սահմանամերձ, բազմաթիվ ընդհանուր շահեր ունեն: Ուստի Իրանի և Ռուսաստանի համագործակցությունը Հարավային Կովկասում խնդիրների կարգավորման համար միակ իրավունքն է»,- ասել է Խարազին:
Նրա խոսքով՝ երկար տարիներ շարունակվում է հակամարտությունը Հայաստանի և Ադրբեջանի միջև, և անհրաժեշտ է ջանքեր գործադրել դրա կարգավորման ուղղությամբ:
«Հաշվի առնելով, որ Ռուսաստանը և Իրանը մեծ հնարավորություններ ունեն կարգավորման համար, նրանք կարող են նպաստել այդ խնդրի լուծմանը»,- ասել է դիվանագետը: