Ապրիլի 8-ին Շանհայում սկսվել են Չինաստանում առաջին «Դիսնեյլենդի» կառուցման աշխատանքները: Բացումը տեղի կունենա 5 տարի անց: Այս մասին հաղորդում է BBC-ն: Սա երրորդ նմանատիպ կառույցն է` Հոնգ Կոնգի և Տոկիոյի «Դիսնեյլենդներից» հետո:
Առաջին խորհդանշական քարը Շանհայում դրել է Walt Disney-ի նախագահ Ռոբերտ Այգերը: Շինարարները խոստացել են, որ Միքի Մաուսի պալատը Շանհայում ամենահետաքրքիրն է լինելու ամբողջ աշխարհի «Դիսնեյլենդների» պալատներից:
Xinhua գործակալությունը տեղեկացնում է, որ շինարարության հնարավորության վերաբերյալ բանակցությունները տևել են մոտ 10 տարի և ավարտվել են 2010թ. նոյեմբերին: Նախատեսվում է, որ շինարարության առաջին փուլը կարժենա 3.75 մլրդ դոլար:
Վերլուծաբանները նաև կարծում են, որ Շանհայի «Դիսնեյլենդն» ավելի եկամտաբեր կլինի, քան Հոնգ Կոնգինը, որը բացվել է 2005թ.-ին և մինչև հիմա աշխատում է վնասով: