Australian Women’s Weekly պարբերականի տվյալներով՝ Քեյթ Բլանշեթի և Էնդրյու Էփթոնի ընտանիքը համալրում է ունեցել՝ ամուսինները Վիվիեն անունով աղջիկ են որդեգրել:
Դերասանուհու ներկայացուցիչները արդեն հաստատել են այս տեղեկատվությունը: Դրանից բացի, աղբյուրները պնդում են, որ Քեյթը շատ հուզված է կատարվածի պատճառով:
Համացանցում ավելի ուշ լուսանկար է հրապարակվել, որն արված է Սիդնեյի օդանավակայանում: Լուսանկարում երևում է նաև փոքրիկ Վիվիենը:
Հիշեցնենք, որ Բլանշեթն ու Էփթոնը ամուսնացել են 1997 թ.: Ներկա պահին նրանք երեք որդիներ ունեն: