Տանզանիայի դատարանը մահվան է դատապարտել երկրի 4 քաղաքացիների, որոնք մեղադրվում են ալբինոս-կնոջը սպանելու մեջ՝ հայտնում է Agence France-Presse-ը:
Մահվան դատապարտվածների մեջ է սպանվածի ամուսինը՝ Չարլզ Նասորոն: Դատարանում ապացուցվել է, որ հարձակվողները՝ զինված կացինով ու մաչետեով, անդամահատել են զոհի ոտքերն ու աջ ձեռքը:
Չնայած կայացրած դատվճռին՝ Տանզանիայում փաստացի գործում է մահապատժի մորատորիում. երկրում վերջին անգամ մահապատիժ իրականացվել է 1994թ.:
Տանզանիայի բնակիչները հավատում են, որ հաջողություն ու հարստություն ձեռք բերելու նպատակով հարկավոր է անցկացնել հատուկ ծես, որի ընթացքում ալբինոսի մարմինը խառնվում է հատուկ բույսերի ու ծովային ջրի հետ:
Agence France-Presse-ի տվյալներով՝ սև շուկայում ալբինոսի մարմինն արժե 75 հազար դոլար, իսկ առանձին մարմնամասերը հնարավոր է ձեռք բերել մոտ 600 դոլարով։