Հնդկաստանի 7-ամյա բնակիչ Ադիթյա Միրշան սարսափելի հիվանդությամբ է տառապում: Վաղ տարիքում նրա դեմքին ուռուցք է ձևավորվել, որը տարեցտարի մեծացել է: Ուռուցքի պատճառով երեխան չի կարող դպրոց գնալ: Բարեբախտաբար, գյուղի հարևանները վերջապես երեխայի վիրահատության համար գումար են հավաքել, հայտնում է Metro-ն:
Ադիթյա Միրշային պետք է 7 վիրահատություն անել: Տղայի ծնողները դեռ միայն 2 000 դոլար ունեն առաջին պրոցեդուրայի համար: Նրանք պետք է ևս 8 000 դոլար հավաքեն: Հանրության ուշադրությունը գրավելու համար հնդիկ լրագրողները երեխայի մասին փոքրիկ փաստագրական ֆիլմ են նկարահանել:
Տղայի մայրը՝ Նեետուն, ասում է, որ իր որդին տառապում է իր խնդրի պատճառով նաև որովհետև հասակակիցները չեն ուզում շփվել նրա հետ: «Երեխանրը նրան անվանում են ուրվական կամ կապիկ: Չնայած նա շատ բարի և շփվող է՝ նա ընկերներ չունի,- ասում է մայրը:- Աշխարհում ամենաշատը ես վախենում եմ, որ նրա ուռուցքն այնքան կմեծանա, որ կպայթի:
Վերջերս հիվանդության պատճառով Ադիթյայի աջ աչքը կուրացել է: Դա շատ սարսափելի է, տղաս մշտապես բողոքում է գլխացավերից»:
Երեխայի հայրը որպես շինարար է աշխատում և ասում է, որ իր աշխատավարձը բավարար չէ մեծ ընտանիքը պահելու համար: Տղամարդը խնդրում է օգնել բոլորին, ովքեր կարող են: Բժիշկների խոսքով՝ տղային պետք է վիրահատել յուրաքանչյուր 4-5 ամիսը մեկ անգամ: