Անկարան կարող է հրաժարվել ամերիկյան արտադրության F-4 կործանիչների ուսումնական թռիչքներից՝ այդ ինքնաթիռների հետ կապված մի շարք միջադեպերից հետո։ Այս մասին Նյու Յորքում լրագրողներին հայտարարել է Թուրքիայի վարչապետ Ահմեթ Դավութօղլուն՝ փոխանցում է TASS գործակալությունը։
Միևնույն ժամանակ, նա ընդգծել է, որ ըստ նախնական տեղեկատվության՝ երեք միջադեպերը տեղի են ունեցել ուսումնական պարապմունքների առանձնահատկությունների պատճառով, այլ ոչ թե ինքնաթիռնրի հետ կապված խնդիրների։ Վերջնական եզրակացությունները, սակայն, կարվեն ստուգումների ավարտին՝ ասել է վարչապետը։
Նրա խոսքով՝ Թուրքիան հնարավորություն ունի այդ վարժանքներն անցկացնել ավելի կատարարելագործված ինքնաթիռների կիրառմամբ։