Հայազգի պորտապարուհի Սոֆինարը, ով հայտնի է նաև որպես Սաֆինազ, Եգիպտոսում շարունակ խնդիրներ է ունենում։ Վերջերս նրան մեղադրել էին եգիպտական դրոշի անարգման մեջ, քանի որ նրա պարային հագուստներից մեկը պատկերել էր դրոշի գույները։
Հինգաստղանի Nabila հյուրանոցի սեփականատերերը, ովքեր հյուրընկալել էին նրան, գոհ չեն եղել զգեստապահարանի նրա ընտրությունից։ Հագուստի հետ կապված միջադեպը տեղի էր ունեցել անցած տարի, սակայն նրան ձերբակալել են այս շաբաթ։ Շուտով նրան գրավի դիմաց ազատ են արձակել, և Սոֆինարը մտադիր է սեփական մեղադրանքներով հանդես գալ ընդդեմ հյուրանոցի սեփականատերերի առ այն, որ նրանք ցանկացել են, որպեսզի պորտապարուհին նաև սեռական բնութի ծառայություններ մատուցի հաճախորդներին։ Այս մասին հայտնում է Albawaba.com-ը։
Չորեքշաբթի Dream TV-ին տված հարցազրույցի ժամանակ Սաֆինազն ասել է, որ հյուրանոցում բազմաթիվ իրավախախտումներ են տեղի ունենում, որոնց ինքն ականատես է եղել։ Այնտեղ հաճախորդներին վաճառում են թմրանյութեր և մարմնավաճառներ։ Նրանից պահանջել են հաճախորդներին մատուցել սեռական ծառայություններ՝ սպառնալով առաջարկը չընդունելու դեպքում վռնդել Եգիպտոսից։