«Հրապարակ» թերթը գրում է. «ԲՀԿ արտահերթ համագումարից հետո առկախված հարցերը շատ էին: Օրինակ Ի՞նչ է նշանակում՝ Ծառուկյանն այլևս կապ չունի ԲՀԿ-ի հետ, այսինքն նա նաև ԲՀԿ անդամ չէ՞, թե՞ շարքային ԲՀԿ-ական է: Կամ՝ այսուհետ ո՞վ է ֆինանսավորելու կուսակցությունը, միթե դրանից էլ է հրաժարվում Ծառուկյանը: Միգուցե հետայսու բեռն ընկնելու է ԲՀԿ գործարարների՞ ուսերին: Կա էլ ԲՀԿ-ն կազմալուծած ՀՀԿ-ն է ստանձնելու ֆինանսավորման հարցը: Ի՞նչ են անելու ԲՀԿ մյուս գործարարները, արդյոք կշարունակե՞ն անդամակցությունը «հարազատ» կուսակցությանը:
Նաիրա Զոհրաբյանն ասաց, որ ԲՀԿ-ն այսուհետ հանդես կգա որպես ընդդիմադիր կուսակցություն: Այսինքն՝ ԲՀԿ-ն այսուհետ «դուխով» կպահանջի՞ Սերժ Սարգսյանի հրաժարականը, ամբողջ թափով դեմ կգնա՞ կառավարության ու վարչապետ Հովիկ Աբրահամյանի դեմ, թե՞ կշարունակի խնայել ու սպասել նրա հաջողություններին:
Իսկ ինչպե՞ս են կառուցվելու հարաբերությունները ՀԱԿ-ի եւ մյուս ընդդիմադիր ուժերի հետ, և վերջապես Ծառուկյանի նկատմամբ որևէ սպառնալիք եղե՞լ է այս ընթացքում, «արյունահեղության վտանգ» ասելու ի՞նչ հիմքեր ունի նա և իր կուսակիցները, որ շարունակ կրկնում են, թե չեն ցանկացել, որ գեթ մեկ զոհ լինի իրենց պատճառով: Այս և շատ այլ հարցերի պատասխանների Ն. Զոհրաբյանը խնդրեց չսպասել այս պահին՝ մեզնից ակնկալելով ժամանակ դրանց պատասխանելու համար»:
Մանրամասները՝ թերթի այսօրվա համարում
