Հալեպում 196 ապստամբներ կամավոր կերպով վայր են դրել զենքն ու վերադարձել խաղաղ կյանքի։ Ինչպես «Ալ-Ալյամ» հեռուստաալիքին հայտնել է ազգային հաշտեցման հարցերով հանձնաժողովի անդամ Ալի Հաջ Կալբունը, իշխանություններին հանձնված բոլոր գրոհայիններն այսօր ազատ են արձակվել։
Նրա խոսքով՝ սա արդեն թվով 8-րդ խումբն է քաղաքում, որ որոշել է օգտվել ընձեռված հնարավորությունից։
Հալեպը 2012-ի օգոստոսից բաժանված է երու մասի։ Արևմտյան թաղամասերը պաշտպանում են սիրիական բանակը, իսկ արևելյանները գտնվում են երկու տասնյակ զինված խմբավորումների վերահսկողության տակ։
