Բրիտանական դատարանը 6 տարվա ազատազրկման է դատապարտել Մանչեսթերից քիմիայի ուսուցչին, ով մտադիր էր Սիրիա ուղևորվել՝ միանալու ԴԱԻՇ-ին։ Այս մասին հայտնում է BBC-ն։
30-ամյա Ջամշեդ Ջավիդն իրեն մեղավոր է ճանաչել առաջադրված երկու մեղադրանքներով, որոնք կապված են ահաբեկչության հետ։
Նա, մասնավորապես, կրտսեր եղբորը օգնել է ուղևորվել Սիրիա։ Հարազատները թաքցրել են նրա անձնագիրը, որպեսզի նա չկարողանա հետևել եղբորը։
Ջամշեդն ամեն կերպ ձգտել է հասնել մտադրության իրականացմանը և ձերբակալվել է 2013-ի դեկտեմբերին՝ թռիչքից մի քանի ժամ առաջ։