ՀԱԿ-ը վեր է ածվել «քաղաքական օֆսայդի», իսկ մինչև 2017 թվականն ընդդիմության համար ներքին մրցապայքարի ժամանակաշրջան է:Այս մասին այսօր ՀՀԿ ԳՄ նիստից հետո լրագրողներին ասաց ԱԺ փոխնախագահ, ՀՀԿ մամուլի խոսնակ Էդուարդ Շարմազանովը՝ անդրադառնալով ընդդիմադիր ուժերի միջև վերջին շրջանում ծավալված խմորումներին:
ՀՀԿ խոսնակի խոսքով՝ ընդդիմադիր ուժերն այսօր պատրաստվում են առաջիկա ընտրություններին, մինչդեռ ինքը համոզված է՝ առաջիկա տասը տարիներին ՀՀԿ-ն ամենամեծ շանսերն ունի։
Անդրադառնալով սահմանադրական փոփոխությունների անցկացման ժամկետին՝ Շարմազանովն ասաց. «Քննարկումներից հետո հանրապետության Նախագահը որոշում կկայացնի: Նա նշել է, որ մինչև մարտ ամսվա վերջ իր վերջնական կարծիքը կհայտնի: Կոռեկտ չէ, որ ես այսօր խոսեմ դրա մասին, բայց կարծում եմ, որ մոտ ապագայում դուք շատ ավելի մանրամասն տեղյակ կլինեք, թե ինչ պրոցեդուրաներ կլինեն»:
