«Առաջին լրատվական»-ը ամիսը մեկ անգամ ընթերցողին հնարավորություն է տալիս իրեն հետաքրքրող հարցերով դիմել Հայաստանի Հանրապետությունում ԱՄՆ հյուպատոս Ֆրենկ Տուին, ում պատասխանները կհրապարակվեն թերթում և մեր կայքում: Հարցերը կարող են առնչվել ԱՄՆ մուտքի վիզաներին ու ԱՄՆ ուղևորություններին: Միացյալ Նահանգները Հայաստանից ժամանած այցելուներին առաջարկելու շատ բան ունի` կարող եք ծանոթանալ ԱՄՆ պատմությանը, մշակույթին, ճաշակել ամերիկյան ուտեստներն ու գինիները, տեսնել ԱՄՆ ճարտարապետությունը, լինել ծովափնյա հանգստավայրերում ու ազգային պարկերում: Կարող եք նաև ձեր հարցերն ուղարկել էլեկտրոնային փոստի` [email protected] հասցեով: Ստորև ներկայացնում ենք ԱՄՆ հյուպատոսին ուղղված մեր հարցերն ու նրա պատասխանները:
Ի՞նչ է հարկավոր ԱՄՆ ճամփորդելու համար:
ԱՄՆ ուղևորվելու համար ՀՀ քաղաքացին պետք է նախ ունենա հայկական անձնագիր, որից հետո պետք է վիզայի դիմում ներկայացնի ԱՄՆ դեսպանատուն: Մուտքի վիզայի հիմնական երկու տեսակ ենք տարբերակում. ներգաղթային վիզա, որը տրվում է ԱՄՆ մշտական բնակության մեկնողներին, և ոչ ներգաղթային վիզա, որը տրվում է կարճաժամկետ այցի համար: Ոչ ներգաղթային վիզաներ տրվում են գործնական նպատակով մեկնողներին (B1 տեսակ), իսկ զբոսաշրջության կամ ազգականներին և ընկերներին այցելելու համար մեկնողներին տրվում է զբոսաշրջային (B2 տեսակ) վիզա: Այս երկու տեսակները կարող են նաև համադրվել: Ընդ որում` Հայաստանում վիզայի համար դիմողների մեծ մասին տրվում է B1/B2 վիզա:
Լսել եմ, որ դիմողները պետք է ամուր կապեր ունենան հայրենիքի հետ: Ի՞նչը կարող է ամուր կապ համարվել:
Անհրաժեշտ է հիշել երկու բան. ԱՄՆ ներգաղթային օրենսդրության համաձայն` հյուպատոսական պաշտոնյան պարտավոր է առաջնորդվել այն B1/B2-գործնական/զբոսաշրջային արտոնագիր (վիզա) ունենալու պարագայում արդյո՞ք ԱՄՆ-ում աշխատելն օրինական է:
Ընդհանրապես B1/B2 վիզա ունեցողներն իրավասու չեն աշխատել ԱՄՆ տարածքում: Երբ ասում ենք` ՙգործնական նպատակով՚, սովորաբար նկատի է առնվում գործնական կամ մասնագիտական համաժողովներին մասնակցելը, պայմանագրային բանակցություններ վարելը, վերապատրաստումը կամ հանդիպումներ գործարար խորհրդատուների հետ: Կրկին ուզում եմ նշել, որ B1/B2 վիզան ԱՄՆ-ում աշխատանքային հարաբերությունների մեջ մտնելու իրավական թույլտվություն չի հանդիսանում:
Սակայն կան մի շարք աշխատանքային վիզաներ, որոնց դեպքում պահանջվում է, որ հնարավոր գործատուն նախևառաջ միջնորդագիր ներկայացնի ԱՄՆ քաղաքացիության և ներգաղթային ծառայությանը: Մանրամասների համար այցելեք մեր կայք՝ http://armenia.usembassy.gov/:
Ճի՞շտ է արդյոք, որ արտոնագրերի տրամադրումը հեշտացված է և յուրաքանչյուր անձ կարող է ստանալ 10 տարվա բազմակի մուտքի արտոնագիր (վիզա):
Երկու ամիս առաջ մենք հայտարարեցինք, որ գործնական/զբոսաշրջային վիզայի համար դիմողներին հնարավոր կլինի տրամադրել վավերականության առավելագույն՝ 10 տարի ժամկետով վիզաներ: Նախկինում մենք տրամադրում էինք առավելագույնը 1 տարվա վավերականությամբ վիզաներ: Սա, անշուշտ, մեծ դրական տեղաշարժ է ԱՄՆ այցելողների համար:
Վիզայի տրամադրման պահանջները շարունակում են մնալ նույնը, այսինքն` վավերականության երկար ժամկետը համապատասխանության պայմանների փոփոխություն չի բերել:
Նախկինում մեկ տարի վավերականության ժամկետով B1/B2 տեսակի վիզա ստացած անձինք կարող են դիմել և ստանալ 10 տարի վավերականության ժամկետով վիզաներ անգամ առանց դեսպանատուն գալու: Առավել մանրամասների համար այցելեք մեր կայք՝ http://armenia.usembassy.gov/:
