Thursday, 28 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Աֆեկտ, դանակահարություն․ «Հալալ» ընկերոջ «բ․․․ությունը» սպանության պատճառ կարող էր դառնալ

Վերաքննիչ քրեական դատարանում սկսվեց և ավարտվեց Լեռնիկ Ս.-ի (անունը փոխված է) գործով բերված վերաքննիչ բողոքի քննությունը:

Գործը քննվել է Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում Լևոն Ավետիսյանի նախագահությամբ:

ԵՊՀ տնտեսագիտության ֆակուլտետի ուսանող, երաժիշտ, 24-ամյա Լեռնիկին մեղադրանք էր առաջադրված կումուլյատիվ աֆեկտի հետևանքով առաջացած հոգեկան խիստ հուզմունքի վիճակում տուժողի առողջությանը ծանր վնաս հասցնելու համար՝ ՀՀ քրեական օրենսգրքի 114 հոդվածի 2-րդ մասով:

Դեպքը տեղի է ունեցել 2013 թվականի նոյեմբերի 7-ի կեսգիշերին Կոմիտասի 19 հասցեում գտնվող ինտերնետ ակումբի դիմաց:

Տուժող Վազգեն Գ.-ի որովայնին Լեռնիկը հարվածել է դանակով ու պատճառել կտրած-ծակած թափանցող վերք՝ ճարպոնի, լյարդի ու ստամոքսի վնասումով:

Ամբաստանյալն իրեն լիովին մեղավոր է ճանաչել, զղջացել է:

Այս դեպքից ամիսներ առաջ՝ 2013 թվականի հուլիսին, ամբաստանյալի ու Համլետ Մ.-ի միջև վիճաբանություն էր եղել, Համլետը ծեծել էր Լեռնիկին, վերջինս տեղափոխվել էր հիվանդանոց: Նա ցուցմունքներ էր տվել կատարվածի վերաբերյալ: Համլետի նկատմամբ քրեական գործը կարճվել էր համաներման ակտի կիրառմամբ:

Այդ հանգամանքից անտեղյակ՝ նոյեմբերի 7-ի երեկոյան վերոհիշյալ ինտերնետ ակումբ է գնացել Լեռնիկը՝ համերգի տոմսեր արտատպելու համար:

Այնտեղ պատահաբար հանդիպել է Համլետին ու նրա ընկերներին, ովքեր այդ ինտերնետ ակումբի մշտական այցելուներից էին:

Լեռնիկը Համլետին հարցրել է՝ ի՞նչ անենք, որ դատ չլինի:

Լեռնիկի հարցին Համլետն ու նրա ընկերախումբը հեգնանքով են վերաբերվել:

Համլետն ասել է, թե դատ չի լինի, համաներմամբ գործը կարճվել է: Իսկ Համլետի ընկեր Արեգ Օ.-ն միջամտել է խոսակցությանն ու ասել է. «Արա՛, որ էդքանը մտածում էիր, ինչի՞ էիր բ…-ն անում»: Ասվածը քիչ էր՝ Արեգն իր արհամարհանքն արտահայտել է նաև հետևից մի «թուլափայ» խփելով Լեռնիկի գլխին:

Վերջինս սկսել է դողալ, ասել է. «Սպասեք, հեսա գալիս եմ», գնացել է դեպի իր մեքենան:

Արեգը գնացել է նրա հետևից ու մի անգամ էլ ոտքով է հարվածել Լեռնիկի հետույքին:

Լեռնիկը այլայլված նստել է մեքենա, իսկ Արեգը բացել է մեքենայի հետևի դուռը ու «կրակին յուղ է լցրել»՝ ասելով. «Արա՛, մի՛ թռի, մինչև ե՞րբ ես թռնելու, կանգնի խոսանք, քեզ էստեղ ոչ մեկը չի ուտելու»:

Լեռնիկը մեքենան արագ քշել է՝ հետևի դուռը բաց վիճակում:

Երկու ժամ անց՝ նույն օրվա կեսգիշերին, նա վերադարձել է ինտերնետ ակումբի մոտ:

Ըստ Լեռնիկի՝ ինքը շատ վատ հոգեվիճակում է եղել: Դեպքի մանրամասները չի հիշում: Չի հիշում, թե որտեղից է վերցրել դանակը: Հոր մեքենայով է եղել, գնացել է, որ «վերջակետ դնի», իր ասելով՝ մենակ է գնացել՝ մտածելով, թե դա հակառակորդները «կգնահատեն»:

Լեռնիկի հետևից գնացել է հայրը:

Ինտերնետ ակումբի մոտ կռիվ է եղել, որի ժամանակ Լեռնիկը դանակ է հանել ու դողացող ձեռքերով գնացել դեպի այդ պահին իր հասցեին հայհոյող, իրեն ընդառաջ եկող Վազգենը՝ Համլետի ընկերը:

Հետո Վազգենին տեսել են որովայնը բռնած: Նա վազելով հեռացել է դեպքի վայրից: Բարեբախտաբար, մայրը նրան ժամանակին հիվանդանոց է հասցրել…

Լեռնիկի հայրն էլ որդուն է տարել: Ճանապարհին Լեռնիկը վատացել է, փսխել է: Այդ բոլոր նշանների առկայությունը մասնագետներին թույլ է տվել եզրակացնելու, որ դեպքի պահին Լեռնիկը գտնվել է կումուլյատիվ աֆեկտի վիճակում:

Հակառակորդ կողմն էլ իր ցուցմունքներում նշել է, որ դեպքի պահին Լեռնիկը դողում էր, գոռում, նա «նորմալ վիճակում չէր», աչքերը չռել էր ու ասում էր՝ դե եկեք ասեմ, արա՛:

Տուժող Վազգենը ամբաստանյալից բողոք, պահանջ չի ունեցել, նա ասել է, որ ամբաստանյալի հարազատները հատուցել են իր բուժման ծախսերը, իսկ ինքը կասկածում է, որ Լեռնիկն է իրեն հարվածել, ինքը երևի ընկել է «արմատուրայի» վրա ու վնասվածք է ստացել…

Ընդհանուր իրավասության դատարանը հաստատված է համարել Լեռնիկ Ս.-ի մեղքը ՀՀ քրեական օրենսգրքի 114 հոդվածի 2-րդ մասով:

Լեռնիկը դատապարտվել է 1 տարի ազատազրկման: Սրան հաշվակցվել է կալանքի տակ եղած ժամանակահատվածը՝ 2013 թվականի նոյեմբերի 15-ից մինչև 2014 թվականի հուլիսի 8-ը՝ 7 ամիս 23 օր: Վերջնական պատիժ է նշանակվել 4 ամիս 7 օր ազատազրկումը:

Պատժի սկիզբը պետք է հաշվվեր ամբաստանյալին փաստացի կալանքի տակ առնելու պահից:

Մինչ այդ դատավճիռը պատժի մասով բողոքարկել էր ամբաստանյալի շահերի պաշտպան Երեմ Սարգսյանը:

Վերաքննիչ քրեական դատարանում հիմնավորելով իր բողոքը՝ պաշտպանն ասաց, թե Լեռնիկի նկատմամբ նշանակված պատիժը խիստ է, չի համապատասխանում ամբաստանյալի անձին:

Ընդհանուր իրավասության դատարանը չի քննարկել, թե ինչո՞ւ առավել մեղմ պատիժը չէր կարող տվյալ դեպքում երիտասարդ ամբաստանյալի պատժի նպատակների իրագործմանը հասցնել:

Լեռնիկն առաջին անգամ է հանցավոր արարք կատարել, երաժիշտ է, ուսանող, կամովին հատուցել է տուժողին պատճառած վնասը, տուժողն ընդհանուր իրավասության դատարանում խնդրել է նրա նկատմամբ մեղմ պատիժ սահմանել:

Պաշտպանն ընդգծեց, որ իր պաշտպանյալը դեպքից հետո 7 ամիս 23 օր գտնվել է կալանքի տակ՝ արդեն իսկ ազատազրկված է եղել, այնպես որ գործով կարելի է ասել, որ սոցիալական արդարությունը վերականգնվել է, նոր հանցավոր արարքի կատարումը՝ կանխվել՝ ինչպես պահանջում է օրենքը:

Հոդվածը, որով դատապարտվել է Լեռնիկը, 7 ու կես ամիս ազատազրկումից ավելի մեղմ պատիժ էլ է նախատեսում, այնպես որ խոսք չի կարող լինել ակնհայտ մեղմ պատժի մասին:

Ազատազրկված լինելով՝ Լեռնիկը, ըստ պաշտպանի, բավական զրկանքներ է կրել, որոնք նույնպես կնպաստեն, որ նա այլևս հանցավոր արարք չկատարի:

Բացի այդ, պետք չէ անտեսել, որ Լեռնիկը տուժողի առողջությանը վնաս է հասցրել՝ նրա ու նրա ընկերախմբի հակաօրինական, հակաբարոյական արարքների պատճառով՝ ընկնելով կումուլյատիվ աֆեկտի վիճակի մեջ:

Ավելի երկարատև ազատազրկումն այս երիտասարդի համար կնշանակի հասարակությանն ինտեգրվելու նոր դժվարություններ, ընտանիքի սոցիալական վիճակի ավելի վատացում:

Հանցավոր արարքի կատարման հետ կապված՝ 2013-2014 ուսումնական տարում Լեռնիկը չէր վճարել ուսման վարձը և դուրս էր մնացել մագիստրատուրայից:

Ազատություն դուրս գալով՝ նա 2014 թվականի նոյեմբերի 1-ին վերականգնվել է, ներկայումս սովորում է մագիստրատուրայի երկրորդ կուրսում:

Ազատություն դուրս գալուց հետո Լեռնիկը նաև մի քանի երաժիշտների միավորել ու երաժշտական խումբ է ստեղծել, որը հանդես է գալիս երևանյան ժամանցի վայրերում:

Պաշտպանն ընդգծեց, որ ներկա պահին իր պաշտպանյալն ունի զարգացման հեռանկարներ: Բայց եթե նրան վերստին կտրեն ուսումից, ազատությունից և ազատազրկեն ևս 4 ամիս 7 օր ժամանակով, դա միայն բացասական հետևանքներ կունենա երիտասարդի կյանքում, հնարավոր առաջընթացը կկասեցվի:

Պաշտպանն անդրադարձավ նաև ընդհանուր իրավասության դատարանի սահմանած պատիժը պայմանականորեն չկիրառելու հարցին, նշեց, որ առաջին ատյանի դատարանն ընդամենը երկու տողով է անդրադարձել պայմանական դատապարտության կիրառմանը, չի հիմնավորել, թե ինչու տվյալ գործով այն չի կիրառում:

Պաշտպան Ե. Սարգսյանը միջնորդեց դատավճիռը պատժի մասով բեկանել, Լեռնիկին դատապարտել 7 ամիս 23 օր ազատազրկման՝ դա նրա արդեն իսկ կրած կալանքի ժամկետն է, և համարել, որ նա կրել է պատիժը: Կամ՝ Լեռնիկի նկատմամբ կիրառել պայմանական դատապարտություն և սահմանել փորձաշրջան:

Նախագահողը պաշտպանին հիշեցրեց, որ օրենքի պահանջով՝ կարող է միջնորդվել պատիժ՝ տարով ու ամսով, բայց ոչ՝ օրով: Պաշտպանը պատասխանեց, թե իր կարծիքով դա մեխանիկական արգելք է, որը կարող է շրջանցվել, եթե գործով նման իրավիճակ է ստեղծվում:

Ամբաստանյալ Լեռնիկն ասաց, թե չէր պատկերացնի, որ իրադարձություններն այսպես կծավալվեն: Ինքը խորապես զղջում է կատարածի համար: Արդեն վերականգնվել է որպես ուսանող, աշխատում է, սովորում, նվագում, 7 ամիս 23 օր ազատազրկված է եղել, չէր ցանկանա նորից վերադառնալ կալանավայրային պայմաններին ու կյանքին:

Պաշտպանը դատարանին ներկայացրեց տեղեկանք՝ ուսման մեջ իր պաշտպանյալի վերականգնվելու մասին, ինչպես նաև բնութագիր՝ համալսարանից:

Լեռնիկը բնութագրվել է որպես օրինակելի, բարեկիրթ ուսանող, նշվել է, թե նա իր երաժշտական խմբով ակտիվորեն մասնակցում է համալսարանական միջոցառումներին:

Մեղադրողն առարկեց պաշտպանի բերած վերաքննիչ բողոքի դեմ, նշեց, թե ընդհանուր իրավասության դատարանը ամբաստանյալի նկատմամբ սահմանել է համաչափ պատիժ՝ հատկապես նկատի առնելով այն, որ հասարակական մեծ վտանգավորություն ունեցող արարքը նա կատարել է դանակի գործադրմամբ: Ամբաստանյալի նկատմամբ պայմանական դատապարտության կիրառման հիմքերը, ըստ դատախազի, այս գործով բացակայում են:

Սակայն վերաքննիչ քրեական դատարանը մեղադրողի այս տեսակետը չկիսեց:

Վերաքննիչ դատարանը բավարարեց պաշտպանի միջնորդությունը:

Լեռնիկը դատապարտվեց 1 տարի ազատազրկման, այս պատժին հաշվակցվեց կալանքի տակ ամբաստանյալի գտնված ժամանակը, վերջնական պատիժ սահմանվեց 4 ամիս 7 օր ազատազրկումը, ապա կիրառվեց պայմանական դատապարտություն և սահմանվեց 1 տարի փորձաշրջան:

Բաժիններ
Ուղիղ
Լրահոս
Որոնում