Ժոզեֆ Նելսոնը, ով 2015թ. մարտի 2-ին կդառնա 101 տարեկան, տոնական նախաճաշի հետ մեկտեղ նաև 7 ցենտ է ստացել: Belmont Hall ռեստորանը յուրաքանչյուր հոբելյարի նրա տարիքին համապատասխան զեղչեր է սահմանել: Այսպիսով` Նելսոնի զեղչը 101 տոկոս է կազմել: Նա ձվածեղով, երշիկով և շոկոլադե տորթով նախաճաշ է ստացել, հաղորդում է newsru.com-ը:
Երկրորդ համաշխարհային պատերազմի վետերանի խոսքերով` ինքը չի էլ պատկերացրել, որ այդքան երկար կապրի: Նելսոնը համոզված է, որ իր երկարակեցության պատճառը հավատն է Աստծո նկատմամբ:
Ինչ վերաբերում է ակցիաներին, ապա դրանք բավականին տարածված են հասարակական սննդի օբյեկտներում: Տարբեր են միայն այն պայմանները, թե ում են հատկացվում այդ զեղչերը: