Հայաստանում մեկնարկել են ռուսական Հարավային ռազմական շրջանի ռազմաբազայի դաշտային պարապմունքները`մոտ 400 հրետանավորի մասնակցությամբ: Այս մասին գրում է Ria Novosti-ն:
Զորավարժությունները տեղի են ունենում ծովի մակարդակից մոտ 2 հազար մետր բարձրության վրա և կտևեն մինչև մարտի վերջը: Հրետանավորների պարապմունքները կավարտվեն մարտական հրաձգության տակտիկական զորավարժություններով, որի ժամանակ կիրականացվեն լեռնային տեղանքում պայմանական հակառակորդների օբյեկտները և կենդանի ուժին հրազենով խոցելու հանձնարարություններ:
«Հայաստանի Հանրապետությունում` բարձրլեռնային ուսումնամարզական Ալագյազ կենտրոնում, ռուսական ռազմաբազայի Հարավային ռազմական շրջանի հրետանային ստորաբաժանման 400 զինծառայողներ սկսել են դաշտային պարապմունքներ»,- ասվում է հաղորդագրությունում:
Մեկ ամիս տևող նախապատրաստական դասընթացի ժամանակ հրետանավորները կանցնեն տակտիկական, հատուկ և տեխնիկական պարապմուքններ:
