Ֆուտբոլիստ Դևիդ Բեքհեմը, դերասան Թոմ Քրուզն ու ռեժիսոր Գայ Ռիչին բարձրացել են Լոնդոնի կենտրոնում գտնվող Վելինգտոնի կամարի վրա` սելֆի անելու:
Նշենք, որ հաղթակամարի ներսում թանգարան է, որտեղից կարելի է դուրս գալ ճեմուղի:
Սակայն Բեքհեմն ու ընկերները ռիսկի են դիմել ու բարձրացել շինության գագաթը, գրում է Daily Mail-ը:
Այդ ժամանակ Բեքհեմի կինը՝ Վիկտորյան, նստած է եղել ավտոմեքենայում եւ անգամ չի ժպտացել ամուսնուն:
Ֆուտբոլիստը որոշել էր բարձրանալ կամարի գագաթն իր կազմակերպած միջոցառումից հետո, որը հրավիրվել էր շենքի ներսում: Բեքհեմը ճաշկերույթ էր կազմակերպել՝ նշանավորելու Haig Club կոչվող վիսկիի արտադրությունը, Գայ Ռիչին էլ նկարահանել էր գովազդը:
Բեքհեմն ընկերների հետ համատեղ լուսանկարը տեղադրել է Facebook-ի իր էջում: