Թիվ 21 ԸԸՀ նախագահ Գայանե Սուքիասյանը «Առաջին լրատվական»-ի հետ զրույցում հայտնեց, որ այսօր Արմավիրի քաղաքապետի թեկնածու Նվեր Պողոսյանը հանձնաժողովին է ներկայացրել ինքնաբացարկի դիմում, և մարտի 15-ին կայանալիք քաղաքապետի ընտրություններին կմասնակցի միայն գործող քաղաքապետ Ռուբեն Խլղաթյանը:
Այսպիսով կարող ենք համարել, որ ընտրություններից 10 օր առաջ Խլղաթյանը կարող է համարվել ընտրված:
Երեկ մենք տեղեկացրել էինք, որ ինքնաբացարկ են ներկայացրել քաղաքապետի ևս երեք թեկնածուներ: Բոլոր թեկնածուների նկատմամբ էլ եղել են որոշակի ճնշումներ, և նրանք պարտադրված են եղել գրել ինքնաբացարկի դիմում, թեև հրաժարվում են դրա մասին հայտարարել:
Հիշեցնենք, որ Ռուբեն Խլղաթյանը Արմավիրի քաղաքապետն է 2004թ.-ից:
