Ինչպես տեղեկացրել էինք՝ Նուբարաշենի քրեակատարողական հիմնարկի՝ «Սովետաշենի բանտ»-ի մոտ, անհայտ անձը կամ անձինք կրակոցներ են արձակել, ինչի հետևանքով 1 հոգի մահացել է, 2 հոգի հրազենային վնասվածքներով տեղափոխվել են հիվանդանոց:
Shamshyan.com-ը հայտնում է, որ դեպքի վայր են ժամանել ՀՀ ոստիկանության մեծ թվով աշխատակիցներ, ոստիկանապետի առաջին տեղեկալ գեներալ-լեյտենանտ Հունան Պողոսյանի գլխավորությամբ, տեղում են նաև ոստիկանության Երևան քաղաքի վարչության պետ Աշոտ Կարապետյանը, ոստիակության քրեական հետախուզության գլխավոր վարչության մեծ թվով աշխատակիցներ, ինչպես նաև Ազգային անվտանգության ծառայության խմբերը:
Դեպքի վայրից ոչ հեռու հայտնաբերվել են ավտոմատ «Կալաշնիկովներ», «Մակարով» տեսակի ատրճանակ և մեծ թվով կրակված պարկուճներ: Ըստ դեպքի վայրում հավաքվածների պատմածի՝ սպանվածը ու վիրավորները հանցագործ աշխարհի հայտնի հեղինակություններ են:
Օպերատիվորեն ժամանել են նաև Հայաստանի քննչական կոմիտեի Երևանի քննչական վարչության և նույն վարչության Էրեբունու քննչական բաժնի քննիչները, ովքեր ոստիկանության փորձաքրեագիտական վարչության մեծ թվով փորձագետների հետ դեպքի վայրում զննություն են կատարում. ոստիկանությունը և քննչականը պարզում են մահացածի ինքնությունը :
Shmashyan.com-ը հայտնում է նաև, որ ոստիկաններն ու քննիչները հայտնաբերել են Lexus մակնիշի 15 TA 777 համարանիշի ավտոմեքենան, որով Էրեբունի հիվանդանոց են տեղափոխվել 2 վիրավորները, ովքեր հիվանդանոցում մահացան: Lexus-ի վրա կա մեծ թվով կրակած հետքեր, ինչպես նաև արյուն:
Մանրամասները՝ shamshyan.com-ում