2015 թվականին Խաղաղության Նոբելյան մրցանակի ստացման են առաջադրվել 276 թեկնածուներ։ Այս մասին հայտնում է Interfax-ը՝ հղում անելով Օսլոյում Նոբելյանական կոմիտեին։
Հավակնորդներից 49-ը կազմակերպություններ են, 227-ը՝ անհատներ։
Հավակնորդների այս թիվը դարձել է պարգևի պատմության մեջ մեծությամբ երկրորդը։ Անցած տարի ժյուրին ստիպված էր ընտրություն կատարել 278 թեկնածուներից։
Դափնեկրի անունը կհայտնեն հոկտեմբերին։ Մրցանակի հանձնման արարողությունը տեղի կունենա դեկտեմբերի 10-ին՝ Ալֆրեդ Նոբելի մահվան օրը։
2014 թվականին պատվավոր մրցանակը ստացել են իրավապաշտպաններ պակիստանցի Մալալա Յուսուֆզայն ու հնդիկ Քայլաշ Սաթյարթհին։
