Մեծ Բրիտանիան կմնա ԵՄ կազմում միայն Բրյուսելի կողմից անցկացվող քաղաքականությունում «լուրջ փոփոխությունների» դեպքում։ Նման հայտարարությամբ է հանդես եկել թագավորության արտգործնախարար Ֆիլիպ Համոնդը՝ փոխանցում է TASS գործակալությունը։ Մեծ Բրիտանիան ցանկանում է մտնել ԵՄ միասնական տնտեսական գոտի, իսկ մնցած բոլոր ոլորտները թողնել բրիտանական խորհրդարանի իրավասությանը։
«Վերջին 20 տարում ինչ-որ շրջանում ԵՄ-ն դուրս է եկել ռելսերից և այժմ շարժվում է սխալ ուղղությամբ։ Միությունը ռելսեր վերադարձնելու համար անհրաժեշտ են բարեփոխումներ և առկա համաձայնագրերի վերանայում»,- նշել է նա։
Համոնդի խոսքով՝ Մեծ Բրիտանիան պետք է օգտագործի հնարավորությունը՝ փոխելու ԵՄ կառուցվածքը, որպեսզի անդամակցությունը լինի շահավետ։
Մոտ ապագայում թագավորությունում կկայանա ԵՄ անդամակցության մասին հանրաքվե։ Ծրագրվում է քվեարկությունը կազմակերպել մինչև 2017 թվականի վերջը՝ այն դեպքում, եթե գործող վարչապետ Դևիդ Քեմերոնը մայիսին կայանալիք ընտրությունների արդյունքներով իշխանության ղեկին մնա։