Ամերիկացի հայտնի ռեժիսոր Օլիվեր Սթոունը այսօր սկսել է ամերիկյան Ազգային անվտանգության գործակալության նախկին աշխատակից Էդվարդ Սնոուդենի մասին ֆիլմի նկարահանումները: Այս մասին իր միկրոբոլոգում հայտնել է ֆիլմի գլխավոր դերակատար Ժոզեֆ Գորդոն-Լևիտը, հաղորդում է TASS-ը:
Դերասանը նկարահանման հրապարակից լուսանկարներ է հրապարակել և գրել, որ ֆիլմի աշխատանքներն սկսվել են այն տեսարանների նկարահանումներից, որոնք նկարագրում են 2004 թ. դեպքերը, երբ Սնոուդենը ծառայել է ԱՄՆ բանակում:
Գորդոն-Լևիտի խոսքերով՝ ինքը շատ է զարմացել, երբ առաջին անգամ իմացել է, որ Սնոուդենը ծառայել է բանակում և ցանկացել է Իրաքի պատերազմին մեկնել, սակայն զինավարժությունների ժամանակ կոտրել է երկու ոտքերը և զորացրվել: