Ղազախստանի իրավապահ մարմինները Ակտաու քաղաքում զանգվածային ինքնասպանության փորձի դեպք են հետաքննում, փոխանցում է «Լադա» գործակալությունը:
Ակտաուի քոլեջներից մեկի հինգ ուսանողուհիներ, ովքեր նույն բնակարանում էին ապրում, փորձել են պարացետամոլի 50 հաբեր խմելով ինքնասպան լինել: Նրանց բոլորին հիվանդանոց են հասցրել և ստամոքսները մաքրելուց հետո դուրս են գրել:
Ինչպես պարզվել է, ուսանողուհիներից մեկը վիճել է ընկերոջ հետ և որոշել է ինքնասպան լինել: Ընկերուհիներն էլ նրան աջակցելու համար հաբեր են ընդունել, հաղորդել են տեղի ոստիկանությունում:
Ուսումնական հաստատության տնօրենը, որտեղ սովորում են աղջիկները, պատմել է, որ ուսանողուհիներին ինքնասպանության կարող էր դրդել ամուսնացած աղջկա մայրը: Նրա խոսքերով՝ ողբերգության օրը անհայտ կինը բնակարան է մտել, բղավել է նրանց վրա և սպառնացել խայտառակ անել:
Ներկա պահին հանցագործության կազմի բացակայության պատճառով խմբակային ինքնասպանության փորձի փաստով գործը փակված է: