Բրիտանացի երգչուհի Ռիտա Օրան, որն այս տարի «Կուլիսների հետևում» ֆիլմի Grateful երգի համար «Օսկարի» էր առաջադրվել, միացել է «Ազատիր կուծքդ» (#freethenipple) ֆեմինիստական շարժմանը: Փոփ-կատարողը Instagram-ում լուսանկար է հրապարակել, որում մերկ կրծքի պատկերով վերնաշապիկ է կրում, և այն համապատասխան հեշթեգով է նշել, գրում է Lenta.ru-ն:
24-ամյա Ռիտա Օրան միջազգային շոու բիզնեսում քիչ ճանաչված է եղել, քանի դեռ չի ձայնագրել Grateful երգը: Երգչուհին միայն մեկ ալբոմ ունի՝ ORA-ն:
«Ազատիր կուրծքդ» շարժումը գործում է արդեն կես տարի: Մերկացնելով կուրծքը՝ մասնակիցները ձգտում են ապացուցել, որ կարող են դա այնպես ազատ անել, ինչպես տղամարդիկ: Ակցիային շատ հայտնիներ են աջակցել, օրինակ՝ Մայլի Սայրուսը:
