Ամերիկացի փոփ երգչուհի Մադոննան առաջարկել է Ֆրանսիայի «Ազգային ճակատ» կուսակցության առաջնորդ Մարին Լե Պենին խմել և քննարկել մարդու իրավունքները: Այս մասին նա հայտարարել է ֆրանսիական Le Grand Journal հաղորդման եթերում:
«Ես կցանկանայի հանդիպել նրա հետ, խոսել և լսել, թե ինչ են նրա համար նշանակում մարդու իրավունքները ոչ միայն Ֆրանսիայում, այլև ամբողջ աշխարհում»,- ասել է երգչուհին: Նրա խոսքերով`ինքը փորձում է հասկանալ քաղաքական գործչին, ոչ թե պատերազմել նրա հետ:
Նշվում է, որ Լե Պենը դեռևս չի պատասխանել Մադոննայի առաջարկությանը: