Հարավային Կորեայի գիտնականները հայտարարում են, որ համաձայն վերջին հետազոտությունների՝ 3-5 բաժակ սուրճի ամենօրյա օգտագործումը նվազեցնում է թրոմբների ու սրտանոթային հիվանդությունների առաջացման ռիսկը։ Այս մասին հայտնում է BBC-ի ռուսական ծառայությունը:
Ինչպես ասվում է զեկույցում, 25 հազար մարդու հետազոտության արդյունքում պարզվել է, որ նրանք, ովքեր սուրճ են խմել, անոթներում թրոմբների ավելի քիչ հակում են ունեցել:
Սուրճի ազդեցությունը մարդկային օրգանիզմի վրա հաճախ է վեճերի առիթ տալիս՝ մի մասը ապացուցում է, որ սուրճը շատ դեպքերում օգտակար է, իսկ մյուսները այն համարում են վտանգավոր, քանի որ հանգեցնում է արյան ճնշման բարձրացման և դրա հետ կապված հիվանդությունների:
