Microsoft ընկերությունը ներկայացրել է Microsoft Universal Foldable Keyboard ունիվերսալ ծալովի ստեղնաշար, հայտնում է The Verge-ը:
Նորույթը միանում է Bluetooth-ի օգնությամբ, կարող է աշխատել iOs, Windows և Android հարթակներով սարքերի հետ: Foldable Keyboard-ում բացակայում են որոշ հատուկ գործառույթային ստեղներ: Դրանց փոխարեն ավելացվել են փլեյերի կառավարման և որոնման արագ հասանելիության ստեղներ:
Ստեղնաշարն ունի մագնիսական ֆիքսման հնարավորություն: Հնարավոր է նաև ստեղնաշարի միաժամանակյա միացում երկու տարբեր սարքերի:
Microsoft Universal Foldable Keyboard-ի վաճառքի սկիզբը նախատեսվում է այս տարվա հուլիսին: Այն հնարավոր կլինի ձեռք բերել 100 դոլարով:
http://youtu.be/WyhGGIkvAZU