Lamborghini ընկերությունը ներկայացրել է Aventador սպորտքարի նոր տարբերակը՝ անվան մեջ SV (SuperVeloce) մասնիկի հավելումով: Այս մասին հայտնում է CarCoops-ը:
Lamborghini-ում վստահեցնում են, որ այդ մոդելն ամենահզորն է ընկերության արտադրության ողջ պատմության մեջ: Մեքենան ունի 6,5-լիտրանոց V12 բենզինի շարժիչ: Շարժիչի հզորությունը 750 ձիաուժ է:
Aventador SV-ն 100 կմ/ժ արագություն է զարգացնում 2,8 վայրկյանում: Առավելագույն արագությունը 350 կմ/ժ է:
Սպորտքարն ունի ածխածնային-կերամիկական արգելակներ, 20-դյույմանոց դիմային և 21-դյույմանոց հետևի անվասկավառակներ:
Aventador SV-ն վաճառքի կհանվի 2015թ. գարնան վերջին: Եվրոպայում սպորտքարի գինը կսկսվի 327.000 եվրոյից: