Մարդու իրավունքների հարցերով միջամերիկյան հանձնաժողովի փորձագետները ժամանել են Մեքսիկա՝ հետաքննելու անցած տարվա սեպտեմբերի վերջին Իգուալա քաղաքի տարածքում 43 ուսանողների առևանգման փաստը: Իրենց աշխատանքի առաջին փուլում նրանք հանդիպել են անհետացած երիտասարդների ծնողների հետ՝ հայտնում է TASS-ը:
Մարդու իրավունքների հարցերով միջամերիկյան հանձնաժողովի 5 փորձագետներին դիմավորել են բազմաթիվ ցուցարարներ, որոնք պարզել են առևանգված ուսանողների լուսանկարները:
Նախնական տվյալներով՝ փորձագետները Մեքսիկայում կմնան 3 շաբաթ ու մի շարք հանդիպումներ կունենան անհետացած ուսանողների ազգականների ու մեքսիկական քննչական մարմինների հետ:
Մարդու իրավունքների հարցերով միջամերիկյան հանձնաժողովի կազմում կան փորձագետներ Իսպանիայից, Չիլիից, Կոլումբիայից ու Գվատեմալայից:
Նրանց խնդիրն է պարզել տեղի ունեցածի հանգամանքները: