««Ինձ բացակա չդնեք» այսպիսի գրառումով անկյուն ենք դպրոցում ստեղծել, դպրոցը սգում է: Ալբերտը փայլուն առաջադիմությամբ, շատ հավասարակշռված մարդ էր»,- «Առաջին լրատվականի» հետ զրույցում նշեցին ՊԲ հյուսիսային ուղղությամբ տեղակայված զորամասերից մեկի պահպանության տեղամասի մարտական հենակետում մահացու հրազենային վիրավորում ստացած զինծառայող Ալբերտ Սաֆարյանի ուսուցիչները:
Գայանե Սարգսյանը և Ծովինար Հարությունյանը պնդում էին, որ դպրոցում սովորելու տարիներին Ալբերտը խնդիրներ չի առաջացրել, ընկերասեր է եղել, հարեհաս, միշտ պատրաստակամ` իրենց աջակցելու: Ալբերտը նաև լավ նկարել է, նրա աշխատանքները մինչև հիմա պահվում են դպրոցում:
Ուսուցիչների խոսքով՝ Ալբերտը միշտ ասել է, որ ուզում է ծառայել հատկապես ԼՂՀ-ում: «Հայրիկի հետ արտագնա աշխատանքի էր մեկնել, վերադարձավ, որ ծառայի հայրենիքին: Ապշած ենք, չենք կարող հավատալ ինքնասպանության վարկածին»,- նշում էին նրանք՝ հավելելով, որ ակնկալում են, որ այս ամենի մեղավորներն իրենց արժանի պատիժը կստանան:
Գայանե Սարգսյանը նաև Սաֆարյանների ընտանիքի հարևանուհին է: «30 տարի է` հարևան ենք, այս տանից ձայն չենք լսել, համերաշխ, հավասարակշռված մարդիկ են»,- եզրափակեց նա:
Մանրամասները՝ տեսանյութում