ԱՄՆ-ը ծրագրում է զինել և ուսուցանել սիրիական ընդդիմության առնվազն 15 հազար գրոհայինների: Այս մասին հայտարարել է պաշտոնաթող գեներալ Ջոն Ալենը, ով Սպիտակ տան կողմից նշանակվել է ԴԱԻՇ («Իրաքի և Շամի իսլամական պետություն») ահաբեկչական խմբավորման դեմ պայքարում այլ երկրների հետ ԱՄՆ-ի համագործակցության հարցերով համակարգող։ Այս մասին գրում է TASS-ը:
Ելույթ ունենալով Վաշինգտոնում Ատլանտյան խորհրդում՝ Ալենը հավաստիացրել է, որ ԱՄՆ իշխանությունները շարունակում են «դիվանագիտական տարածություն ստեղծելու փորձերը, ինչը թույլ կտա մշակել քաղաքական լուծում՝ Սիրիայում ճգնաժամին մեկընդմիշտ վերջ տալու համար»:
Ալենը նաև նշել է, որ ԱՄՆ-ը սերտորեն աշխատում է տարածաշրջանում գործընկերների հետ՝ «սիրիական ընդդիմության չափավոր և ստուգված տարրերին ուսուցանելու և զինելու համար»: Ընդ որում, նա ասել է, որ Վաշինգտոնը մտադիր է առաջիկա 3 տարիներին տարեկան պատրաստել 5 հազար մարտիկների:
