«Առաջին լրատվական»-ի զրուցակիցն է ԱԺ «Ժառանգություն» խմբակցության պատգամավոր Թևան Պողոսյանը:
– Նախորդ ՀԱԿ հանրահավաքին Լևոն Տեր-Պետրոսյանը հիշեց «ջղաձգվողներին», ովքեր դեմ էին ԵՏՄ անդամակցությանը, երեկ էլ փաստացի հիշեց նրանց՝ ասելով, որ ավելի շատ խնդիր է դրվել ընդդիմափոխության, քան իշխանափոխության, մանավանդ որ ընդդիմափոխությունն ավելի հեշտ լուծելի խնդիր է, քան իշխանափոխությունը: Արդյոք հստակեցնելու ժամանակը չէ՞, թե ովքեր են ընդդիմադիրները:
– Մի կողմից՝ եթե կատակով ասեմ՝ ինչպես ջղաձգվողներից մեկը, ինձ թվում է, որ ամբողջ խնդիրն այն չէ, թե դու անձի հանդեպ ինչ տեսակետ ունես, այլ քո արժեհամակարգում ինչ տեսլական կարող ես առաջարկել հանրությանը իր ապագա զարգացման համար: Այստեղ ամեն կուսակցություն, որը մասնակցել է ԱԺ ընտրություններին, իր տեսլականն է առաջ քաշել իր նախընտրական ծրագրով:
Ինձ թվում է՝ եթե իրենք իրական նախընտրական ծրագրերը գրել են՝ հիմնվելով իրենց արժեքային համակարգի խնդրի և այն տեսլականի վրա, որում իրենց պատկերացնում են, պետք է քայլեր ձեռնարկեն այդ տեսլականը կյանքի կոչելու: Ի վերջո մենք պայքարում ենք նախընտրական շրջանում այդ տեսլականը համոզելու ժողովրդին, թե՝ այդ տեսլականը ձեզ ավելի լավ ապագա է բերելու, մարդիկ դրա համար քվե են տվել: Հիմա դրանից հետո շուռ գանք և ասենք՝ չէ, մենք այդ ծրագրերը գրել ենք, ներկայացրել ենք, բայց դրանից հետո իրավիճակ է փոխվել, պետք է այլևս դրան չգամ, չհասնեմ, անսկզբունքային մոտեցում է, և մարդկանց սկսում են ճիշտ կամ սխալ պիտակավորել: Եթե իմ տեսլականն այլընտրանքն է, ապա մենք ընդդիմություն ենք այն տեսլականին, որը իշխանությունները այսօր փորձում են առաջ տանել: Մենք պետք է սկզբունքայնորեն գնանք առաջ, դրանից ավելին պետք է գնահատի ժողովուրդը:
Հասկանալով, որ «Ժառանգությունը» եղել է այն կուսակցություններից մեկը, որ տեսլական է բերել ավելի խորը եվրաինտեգրման համար կամ ավելի խորը ինտեգրվելու ՆԱՏՕ համակարգին, փորձելով աշխարհի այդ երկու ինստիտուցիոնալ կառուցվածքներից բոլոր դրականը վերցնել, մենք պետք է շարունակենք այդ տեսլականը առաջ տանելու համար բոլոր քայլերը ձեռնարկել:
Ավելին՝ տեսանյութում: