«Տանս սյունը կոտրվեց, իմ տղան մեր թիկունքն էր»,- «Առաջին լրատվական»-ի հետ զրույցում ասաց մահացած զինծառայող Ալբերտ Սաֆարյանի հայրը՝ Էմիլ Սաֆարյանը, հավելելով, որ տղայի հետ վերջին անգամ խոսել է փետրվարի 23-ին: Նրա խոսքով՝ Ալբերտը ծառայությունից չի դժգոհել, միշտ ասել է՝ ամեն ինչ լավ է:
Էմիլ Սաֆարյանը նաև նկատեց, որ նամակի պատմությունը իրականությանը չի համապատասխանում: Ինչ վերաբերում է ինքնասպանության վարկածին, ապա իրենք դա բացառում են:
Հայրը նաև նկատեց, որ այս պահին մանրամասներ չի կարող ասել, քանի որ գործը նախաքննության փուլում է:
Ալբերտ Սաֆարյանի տատիկը՝ Սվետա Սեյրանյանը, ասաց, որ ոչ թե պահանջում են, այլ խնդրում են, որպեսզի իրենց 19-ամյա տղայի մահվան մեղավորները պատժվեն:
Մանրամասները՝ տեսանյութում։