Sony ընկերությունը Բարսելոնում՝ բջջային ինդուստրիայի խոշորագույն MWC 2015 ցուցահանդեսի շրջանակներում, ներկայացրել է «աշխարհի ամենաբարակ ու թեթև» 10-դյույմանոց Xperia Z4 պլանշետը: Այս մասին հայտնում է The Verge-ը:
Պլանշետն ունի 10,1-դյույմանոց դիսփլեյ՝ 2560х1440 պիքսել կետայնությամբ (300ppi0 ), և ֆիրմային տեխնոլոգիաների հավաքածու՝ Triluminos և X-Reality:
Լինելով ֆլագման՝ սարքն ունի 64-բիթանոց 8-միջուկանոց Qualcomm Snapdragon 810՝ 2,0 ԳՀց տակտային հաճախականությամբ և adreno 430 գրաֆիկական արագացուցիչով, 3 գբ օպերատիվ և 32 գբ ներքին ընդլայնվող հիշողություն:
Պլանշետը երկու տեսախցիկ ունի՝ 8-մեգապիքսելանոց հիմնական և 5-մեգապիքսելանոց դիմային: Մարտկոցի հզորությունը 6000 մԱ/ժ է, ինչը, արտադրողի հավաստիացմամբ, պետք է բավարարի 17 ժամ տեսանյութ դիտելու համար:
Xperia Z4 Tablet-ն ունի IP68 չափանիշով պաշտպանության արտոնագիր, ինչը սարքին հնարավորություն է տալիս առանց հետևանքների 30 րոպե մնալ ջրի 1,5 մ խորության տակ:
Չնայած պաշտպանությանը՝ պլանշետը շատ բարակ է՝ ընդամենը 6,1 մմ: Գաջետի քաշը 393 և 389 գրամ է՝ համապատասխանաբար, LTE-ով և Wi-Fi տարբերակներով:
Բացի պլանշետից՝ ընկերությունը ներկայացրել է ֆիրմային ստեղնաշար, որը հնարավորություն է տալիս պլանշետը «վերածել» նոութբուքի, գաջետի համար կազմ և «խելացի» արտաքին սյունակ:
Սյունակին ծանուցումներ են ստացվում սմարթֆոնից ու պլանշետից, ներդրված բարձրախոսները հնարավորություն են տալիս մամլո ասուլիսներ անցկացնել, աշխատում է նաև ձայնով կառավարումը:
Պլանշետը սև և սպիտակ գույներով վաճառքի կհանվի հունիսին, գինը հայտնի կդառնա ավելի ուշ: