Թուրքիայի նախագահ Ռեջեփ Թայիփ Էրդողանը կիրակի օրը փոքր ուխտագնացություն (ումրա) է կատարել՝ այցելելով Մեքքայի Մասջիդ ալ-Հարամ մզկիթ Սաուդյան Արաբիա իր այցի ընթացքում: Այս մասին հայտնում է Hurriet թերթը:
Էրդողանը Սաուդյան Արաբիա է ժամանել նախօրեին: Երկուշաբթի Էրդողանը կհանդիպի այդ երկրի թագավոր Սալմանի հետ:
Հաղորդվում է, որ Էրդողանին ուխտագնացության ընթացքում ուղեկցել են նրա կինը՝ Էմինեն, փոխվարչապետներ Յալչին Ակդողանը և Նուման Կուրտուլմուշը, էկոնոմիկայի նախարար Նիհաթ Զեյբեքչին, ԱԳՆ ղեկավար Մևլութ Չավուշօղլուն, լրագրողներ ու բիզնեսմեններ:
Ումրան փոքր ուխտագնացություն է Մեքքա և Մասջիդ ալ-Հարամ մզկիթ այցելության հետ կապված, սակայն ոչ թե հաջի ամսին, այլ ցանկացած այլ ժամանակ:
