Մեկ շաբաթ առաջ տեղի ունեցավ «Օսկար» մրցանակաբաշխության արարողությունը, որտեղ Ռոզամունդ Փայքը նույնպես հեղինակավոր մրցանակի հավակնորդ էր: Spletnik.ru-ն առաջարկում է հետևել 36-ամյա դերասանուհու ոճի և կերպարների փոփոխխություններին:
Ռոզամունդ Փայքը ծնվել է 1979թ. հունվարի 27-ին՝ օպերային երգիչների ընտանիքում: 16 տարեկան հասակում նա ընդունվել է Ազգային երիտասարդական թատրոն:
Այնուհետև Ռոզամունդը ընդունվել է Օքսֆորդի համալսարանին կից քոլեջ, որտեղ անգլիական գրականություն է ուսումնասիրել և մասնակցել է ուսանողական մի քանի ներկայացման:
1998թ. Փայքը առաջին անգամ հայտնվել է էկրանին և խաղացել «Ամուսնություն անգլիական ձևով» նախագծում, որտեղ աշխատել է Թոմ Քորթնիի և Ալբերտ Ֆիննիի հետ: Մեկ տարի անց նա դեր է ստացել BBC-ի «Կանայք և դուստրեր» ֆիլմում, որտեղ նրա գործընկերներն են դարձել Մայքլ Գեմբոնը, Ֆրանչեսկա Էննիսը և Բիլլ Պատերսոնը:
2001թ. սկսած նա խաղացել է այնպիսի ֆիլմերում, ինչպիսիք են «Մեռիր, բայց ոչ հիմա»-ն, «Հպարտություն և նախապաշարմունք»-ը, «Ազատամիտը»:
Մինչև 2000-ականների կեսերը դերասանուհու կարիերան բավականին հագեցած է եղել, սակայն հետագայում այն անկում է ապրել:
2010թ. սկսած նա վերադարձել է կինո և նկարահանվել «Բարնիի տարբերակով», «Ջոննի Ինգլիշ գործակալը. վերաբեռնում», «Մեծ տարի», «Տիտանների զայրույթը» և «Ջեք Ռիչեր» ֆիլմերում:
Նրա կարիերայի գագաթնակետը կարելի է համարել Դևիդ Ֆինչերի «Անհետացածը» ֆիլմը, որտեղ կատարած իր աշխատանքի համար նա բազմաթիվ մրցանակների է առաջադրվել: Սակայն հաջողությունը շրջանցել է դերասանուհուն:
1997-2003թթ. նա հանդիպել է Սայմոն Վուդսի հետ: Նրանից բաժանվելուց հետո կարճ սիրավեպ է ունեցել Հենրի Ջոնի հետ:
2004թ. հայտնի է դարձել դերասանուհու և ռեժիսոր Ջո Ռայթի հարաբերությունների մասին: Նրանց կապը երեք տարի է շարունակվել, նրանք նույնիսկ հայտարարել են նշանադրոթյան մասին, սակայն ուրախալի նորություններից հետո զույգը բաժանվել է:
Դերասանուհին սկսել է հանդիպել կինոօպերատոր Ռոբի Յունիակի հետ, ում հետ էլ մինչև այժմ ապրում է: Նրանք երկու որդի ունեն: