Իսրայելի հարավային Նեգև անապատային տարածքներում կատարած պեղումների ժամանալ գիտնականները խաղողի մոխրացած սերմեր են հայտնաբերել, որոնց տարիքը ավելի քան 1500 տարի է, գրում է Rosbalt.ru-ն:
Գիտնականները կարծում են, որ սերմերը Բյուզանդական ժամանակաշրջանին են պատկանում և կարող են օգնել բացահայտելու բյուզանդական լավագույն գինիների գաղտնիքը, որոնք հետագայում տարածվել են մինչև Իսպանիա և Հունաստան:
Հարկ է նշել, որ հնագույն գինիները բարձր որակ ու գին ունենին և, ցավոք, մինչև մեր օրերը չեն հասել: «Նեգևում աճող խաղողը եվրոպական տեսակի է, մինչդեռ Նեգևի խաղողը աշխարհի երեսից անհետացել է: Մեր հաջորդ խնդիրը այդ խաղողը կրկին աճեցնելն է, որի շնորհիվ էլ հնարավոր է հասկանալ, թե ինչով էր դրանով պատրաստված գինին այդքան յուրահատուկ»,- ասում են հնէաբանները:
Ավելի վաղ այս տարածքում կատարված պեղումների արդյունքում խաղողի աճեցման պարագաներ, սափորներ են հայտնաբերվել, սակայն մինչ այժմ խաղողի սերմեր հայտնաբերել չէր հաջողվել: