«Գահերի խաղը» սերիալի հեղինակները շարունակում են բորբոքել նախագծի երկրպագուների հետաքրքրությունը. համացանցում է հայտնվել նոր՝ հինգերորդ սեզոնի պաստառը, ինչպես նաև 2 հոլովակ սիրված կերպարների մասնակցությամբ, որոնք սյուժեի որոշ գաղտնիքներ կբացահայտեն: Այս մասին հայտնում է spletnik.ru-ն:
Պաստառը բավական միստիկ է ստացվել. առաջին պլանում կարելի է տեսնել Տիրիոն Լաննիսթերին՝ Փիթեր Դինքլեյջի կատարմամբ, որը երևում է մշուշի միջից երևացող դևի ֆոնին:
Հիշեցնենք, որ «Գահերի խաղի» հիմքում ընկած՝ «Սառույցի և կրակի երգի» հեղինակ Ջորջ Մարտինը վերջերս տված հարցազրույցում ասել էր, որ սագայի երկրպագուներին մի քանի անսպասելի մահ է սպասվում: Նրա խոսքով՝ կարող են մեռնել նույնիսկ այն կերպարները, որոնք փրկվել են օրիգինալ պատմության մեջ:
Սերիալի 5-րդ սեզոնի պրեմիերան տեղի կունենա ապրիլի 12-ին:
Սերիալի պաստառը