Մարդու ինտելեկտուալ զարգացվածության աստիճանը կարելի է որոշել IQ թեսթի միջոցով: Սակայն գիտնականները բազմաթիվ ուսումնասիրություններ են կատարել և բացահայտել են հազարավոր գործոններ, որոնք ազդում են մարդու ինտելեկտուալ զարգացման վրա: estet-portal.com-ը ներկայացնում է վերջերս բացահայտված այն գործոնները, որոնք ուղղակիորեն ազդում են մարդու ուղեղի վրա:
1. Ուսումնասիրությանը մասնակցել է 20 հազար ծխող և չծխող: Նրանց տարիքը 18-21 տարեկան է եղել: Չծխող ուսանողների ինտելեկտուալ զարգացվածության մակարդակը 101 է եղել, իսկ ծխողներինը՝ 94:
2. IQ-ի և երաժշտությամբ զբաղվելու միջև կապի ուսումնասիրությամբ պարզվել է, որ վաղ հասակում երաժշտությամբ զբաղվելը արագացնում է երեխայի ինտելեկտուալ զարգացվածությունը: Նշվում է նաև, որ գրեթե բոլոր մարդիկ, ովքեր բարձր պաշտոններ են զբաղեցնում, վաղ հասակում երաժշտությամբ են զբաղվել:
3. Առաջնեկի իրավունքը, որքան էլ զարմանալի է, մեծ դեր է խաղում մարդու ինտելեկտուալ զարգացածության գործում: Գիտնականներն ասում են, որ պատճառը գենետիկան է: Վիճակագրական տվյալների համաձայն՝ կրտսեր և ավագ երեխաների ինտելեկտուալ մակարդակների տարբերությունը երեք նիշ է:
4. Ֆրանսիացի գիտնականները ապացուցել են, որ մարդու մտավոր ունակությունները ուղղակիորեն կապված են քաշի հետ: Այսպես. մարմնի զանգվածի 30-ից ավելի ինդեքս ունեցողները 56 տոկոսից պակաս բառային պաշար ունեն այն մարդկանց համեմատած, որոնց մարմնի զանգվածի ինդեքսը 20-ից չի անցնում:
5. Բրիտանացի գիտնականներն իրենց հերթին պարզել են, որ ինտելեկտի և կրծքով կերակրելու միջև ուղիղ կապ գոյություն ունի: Պարզվել է, որ արհեստական կերով սնված երեխաների մտավոր ցուցանիշները 7 նիշով զիջում են կրծքով կերակրվածների IQ-ի մակարդակին:
6. Ինտելեկտի մակարդակի ուսումնասիրությունը ցույց է տվել, որ մարդիկ, ովքեր երիտասարդ տարիքում մարիխուանա են օգտագործել, հետո թողել են այդ սովորությունը, չափազանց խելացի են: Իսկ նրանք, ովքեր շարունակել են օգտագործել, վատագույն ցուցանիշներն են ցույց տվել: