Գեղարքունիքի մարզի ընդհանուր իրավասության դատարանում Վահագն Մելիքյանի նախագահությամբ ընթանում է Գևորգ Գոզեյանի գործի դատական քննությունը:
29-ամյա Գևորգը մեղադրվում է դիտավորյալ սպանության համար՝ ՀՀ քրեական օրենսգրքի 104 հոդվածի 1-ին մասով:
Ըստ մեղադրանքի՝ 2013 թվականի հոկտեմբերի 19-ին, ժամը 21-ն անց 30-ի սահմաններում Գևորգը «Գեղամա» ԲԲԸ պահակատանը ընկերների հետ սեղան է նստել:
Հաց ուտելու, օղի խմելու ժամանակ Ա. Ա.-ն Գևորգի հանգուցյալ հորը «գլուխգովան» է անվանել:
Գևորգը վիճաբանել է սեղանակցի հետ: Վեճը շարունակվել է պահակատան բակում և վերաճել է կռվի:
Առաջադրված մեղադրանքի համաձայն՝ Գևորգը ձեռքերով ու ոտքերով հարվածներ է հասցրել Ա. Ա.-ի գլխին: Արդյունքում առաջացել է գլխուղեղի կենսական կարևոր ֆունկցիաների խանգարում, ինչը հանգեցրել է Ա. Ա.-ի մահվանը:
Գևորգ Գոզեյանի խափանման միջոցը կալանավորումն է:
