Ինչն է ամենավտանգավորը արագ սննդի ռեստորաններում: Չինական McDonald’s, KFC և այլ ռեստորաններ սառույց են օգտագործում գազավորված ըմպելիքների համար, որը 19 անգամ ավելի շատ բակտերիա է պարունակում, քան խմելու ջրի թույլատրելի քանակը: Այս մասին հայտնում է Shanghai Daily-ն:
Փորձագետների խոսքով՝ սառույցի պատրաստման մեքենաների կեղտը, թույլ սննդային սանիտարական վիճակն ու ոչ բավարար մանրէազերծումը նպաստում են սառույցի մեջ բակտերիաների բարձր պարունակությանը:
Պեկինի համալսարանում դիետոլոգիայի պրոֆեսոր Դին Քեյի խոսքով՝ ջրի աղտոտվածության այդպիսի բարձր մակարդակները կարող են վտանգավոր հիվանդությունների առաջացման պատճառ դառնալ, ինչպիսին է դիզենտերիան:
ABC 4-ի գաղտնի հետազոտությունը ցույց է տվել, որ սառույցը չափազանց կեղտոտ է եղել: Նրանք պատահականության սկզբունքով մի քանի ռեստորան են ընտրել և յուրաքանչյուրից մի բաժակ սառույց վերցրել:
McDonald, Kungfu ռեստորանների սառույցում բակտերիաների քանակը գերազանցել է նորման:
Առողջապահության դեպարտամենտի տվյալներով՝ դա կարող է վարակ առաջացնել և մահվան պոտենցիալ վտանգ ունի՝ հատկապես թույլ իմունային համակարգով մարդկանց դեպքում:
The Wall Street Journal-ի տեղեկությամբ՝ KFC ընկերությունը հրապարակավ ներողություն է խնդրել Չինաստանի կենտրոնական հեռուստատեսության եթերում:
