Շաբաթ օրը Ստամբուլում մահացել է քրդական ծագումով թուրք գրող, 93-ամյա Յաշար Քեմալը, հաղորդում է Anadolu գործակալությունը:
Քեմալի մահվան պատճառը սրատանոթային անբավարարությունն է եղել: Նրան հոսպիտալացրել են Ստամբուլի համալսարանի հիվանդանոց սրտի ռիթմի խախտման պատճառով:
Քեմալը ժամանակակից թուրք խոշորագույն գրողներից մեկն էր։ Նա հայտնի է որպես Նոբելյան մրցանակի բազմակի թեկնածու, ինչպես նաև անկախ Քուրդիստանի ստեղծման և Թուրքիայում քաղաքացիական հասարակության կառուցման կողմնակից: 2003 թ. թուրք գրողը արժանացել է «Գրիգոր Նարեկացի» մեդալի:
Նրա որոշ գրքեր տարիներ շարունակ արգելված էին Թուրքիայում, իսկ ինքն անձամբ ենթարկվել է հետապնդումների և մոտ երկու տարի անցկացրել է բանտում անջատողականության քարոզչության համար:
