«Նույն իշխանությունն է, նույն մարդիկ, նույն սցենարը, պաշտոնները փոխվում են, ու կրկին իրենք են. ի՞նչ Մարտի 1-ի բացահայտում»,- «Առաջին լրատվական»-ի հետ զրույցում ասաց 2008թ. Մարտի 1-ի զոհ Արմեն Ֆարմանյանի հայրը՝ Վաչագան Ֆարմանյանը՝ հավելելով, որ հույսի չունի, թե Մարտի 1-ի գործը կբացահայտվի:
Նա նաև նշեց, որ զոհերի գործերը առանձին վարույթներով քննելը ևս ոչինչ չի տալու, քննիչները փոխվում են, բայց դա անօգուտ է. «Ինչո՞ւ են ծնողներին հարցաքննության կանչում, ի՞նչ են պարզելու՝ պարզ չէ։ Խփողը հրամանով է խփել. ո՞վ իրավունք ուներ իմ 33 տարեկան տղային խփելու, թող բերեն ասեն՝ սա է խփել, սա է հրաման տվել»,- ասաց նա:
Վաչագան Ֆարմանյանի խոսքով՝ իշխանությունները այս 7 տարիների ընթացքում ամեն ինչ անում են, որպեսզի կծիկը չքանդվի: Բայց կան նաև ընդդիմադիրներ, որոնք մոռացել են, որ Մարտի 1-ի արյամբ են պատգամավոր դարձել: Նա ընդգծեց, որ իր խոսքը վերաբերում է ՀԱԿ-ի 2 պատգամավորի:
Զոհվածի հոր խոսքով՝ այսքան ժամանակ Մարտի 1-ի մասին հիշում են միայն Գագիկ Ջհանգիրյանը, Արամ Մանուկյանը և Ստեփան Դեմիրճյանը: Նա ասաց, որ իր խոսքերից ետ չի կանգնելու և չի վախենում: Ֆարմանյանը հատկապես վիրավորված է Նիկոլ Փաշինյանից:
Մանրամասները՝ տեսանյութում։
