Թուրքիան քրդական խնդրի խաղաղ կարգավորման նոր փուլ է մտել: Այս մասին հայտարարել է Թուրքիայի վարչապետ Ահմեթ Դավութօղլուն՝ մեկնաբանելով Թուրքիայում արգելված՝ Քրդական աշխատավորական կուսակցության առաջնորդ Աբդուլլահ Օջալանի՝ իր կողմնակիցներին ուղղված կոչը զենքը վայր դնելու և կարգավորման հարցով կոնգրես անցկացնելու մասին։ Այս մասին հայտնում է Ria Novosti-ն:
«Զենքի և բռնության լեզվով խոսելը մոտեցել է ավարտին, բաց է ժողովրդավարական քաղաքականության ուղին, խաղաղ կարգավորման գործընթացը նոր փուլ է մտել»,- հայտարարել է Դավութօղլուն:
Նա հավելել է, որ Թուրքիայի քաղաքացիներին քրդերի, թուրքերի, ալևիների, սունիների բաժանումը չի կիրառվի «նրանց միջև երկպառակության սերմեր ցանելու համար»: