«Սևոն օրենքով գող վերակարգվեց. Սա, իհարկե, Հայաստանում տեղի ունեցած՝ քրեական հեղինակությունների հավաքի հետևանք էր պարզապես»,- «Առաջին լրատավական»-ի հետ զրույցում ասաց քրեագետ Սերգեյ Գալոյանը՝ անդրադառնալով փետրվարի 21-ին Ավետիք Մանուկյանի (Նորագյուղի Ավետ) տղայի՝ 39-ամյա Արմենի՝ օրենքով գող վերակարգվելուն: Ըստ նրա՝ այն, որ Արմեն Մանուկյանը՝ Սևոն, օրենքով գող է վերակարգվել այնպիսի հեղիակությունների ներկայությամբ, ինչպիսիք են Զախարի Կալաշովը (Шакро Молодой), Դավիթ Օզմանովը (Дато Краснодарский) և Օլեգ Շիշկանովը (Олег Раменский), արդեն իսկ մեծ կարևորություն ունի:
Սերգեյ Գալոյանը նկատեց՝ Հայաստանում գողերի «սխոդակայի» ժամանակ 100-ից ավելի քրեական հեղինակություններ, օրենքով գողեր են մասնակցել: Սերգեյ Գալոյանը նկատեց, որ Հայաստանի իշխանությունները ոչինչ չէին կարող անել հավաքը կանխելու համար. Հայաստան ժամանած քրեական հեղինակությունները ՀՀ-ի օրենքներով հետախուզման մեջ չէին, նրանց նակատմամբ գործեր չկան հարուցված, բացի դրանից՝ միջազգային հետախուզում ևս հայտարարված չի եղել այդ մարդկանց նկատմամբ:
Սերգեյ Գալոյանը, անդրադառնալով Հայաստանի քաղաքական վերջին զարգացումներին, նշեց, որ օրենքով գողերը դեռ այս գործընթացներում մասնակցություն չեն ունեցել, եթե կամենան՝ կունենան:
Նա նաև նշեց, որ վերջին իրադարձություններին դեռ մասնակցություն չի ցուցաբերում նաև Դոն Պիպոն, որը, ըստ Սերգեյ Գալոյանի, ռոմատիկ «Ռուբին Հուդ» է: