Պոչուկի էպիթելային ուղին էպիթելային հյուսվածքի ներթափանցումն է մաշկի տակ` նեղ խողովակի ձևով: Այն տեղակայվում է սրբոսկրապոչուկային շրջանում և մեկ կամ մի քանի կետային անցքերով՝ բացվում մաշկի վրա` հետույքի միջին գծով:
Էպիթելային պոչուկային ուղին բնածին հիվանդություն է, որը պայմանավորված է սաղմի պոչային ծայրի զարգացման թերությամբ, որի դեպքում էպիթելով պատված ուղի է մնում մաշկի տակ: Այսպիսի արատ հաճախ է հանդիպում նաև երեխաների և դեռահասների մոտ։
Այն բացասական ազդեցություն չի թողնում երեխայի զարգացման վրա և կյանքի առաջին տարիներին կլինիկորեն չի արտահայտվում: Հիվանդությունը իր մասին զգացնել է տալիս սեռական հասունացման շրջանում, երբ էպիթելային ուղու լուսանցքում սկսում են մազեր աճել և ճարպագեղձերի ու քրտնագեղձերի գործունեության արտադրուկներ կուտակվել։
Էպիթելային ուղին, այլ կերպ նաև անվանում են մազային բուշտ` նշելով, որ դրա առաջացման պատճառը մաշկի մազերի ոչ ճիշտ աճն է։
Բորբոքման առաջացմանը նպաստում են վնասվածքները, պոչուկասրբանային շրջանի առատ մազածածկույթը, հիգիենայի կանոններին չհետևելը:
Բորբոքումից սրբոսկրի և պոչուկի շրջանում առաջանում են ցավեր, ուղու առաջնային անցքերից նկատվում է արտադրություն և եթե բոբոքումը տարածվում է հարակից բջջանք, առաջանում է մաշկի պնդացում և գերարյունություն: Տեղային փոփոխությունները կարող են ուղեկցվել հիվանդի ջերմաստիճանի բարձարացմամբ:
Վիրահատությունը կատարում է «Էրեբունի» ԲԿ-ի Կոլոպրոկտոլոգիայի ծառայության ղեկավար, բ.գ.թ., վիրաբույժ-կոլոպրոկտոլոգ Կարեն Լևոնի Շահնազարյանը։
