Ոստիկանության աշխատակիցները հայտնաբերել են ավտոմեքենան, որով ենթադրաբար տեղաշարժվել են Բորիս Նեմցովի մարդասպանները:
Լքված մեքենան հայտնաբերվել է Մոսկվայի կենտրոնի բակերից մեկում՝ «Սմոլենսկայա» մետրոյի տներից մեկի մոտ, հայտնում է Interfax-ը:
Հայտնաբերված մեքենան սպիտակ Lada Priora մեքենա է՝ Ինգուշեթիայի համարանիշերով: Ներկայում ավտոմեքենան զննում են քննիչները:
Ինչպես նշում է ՌԵՆ TV հեռուստաալիքը, հնարավոր է, մեքենայում կհաջողվի գտնել կենսաբանական մասնիկներ ու մատնահետքեր, որոնք կօգնեն պարզել հանցագործների անձը:
Մարդասպանների մեքենան ֆիքսել էին միանգամից մի քանի տեսախցիկներ ու հանցագործության ականատես դարձած 23-ամյա ուկրաինացի մոդել Աննա Դուրիցկայան:
Ավելի վաղ իրավապահ մարմիններում աղբյուրը հայտնել էր, որ ոստիկանությունը ստուգել է մի քանի ավտոմեքենա, որ հայտնվել էին Բորիս Նեմցովի սպանությունից հետո կասկածների տակ: Սակայն նրանց առնչությունը հանցագործությանը չէր հաստատվել:
